台灣萍蓬蓮（客家話安到水浮蓮）係罕得看著个國寶級水中植物，這下單淨伸到龍潭區八張犁德龍國小退休个吳先生，在該復育水浮蓮。有一日，同阿爸工去拜訪八張犁介吳先生，看著滿陂塘都係密密个水浮蓮，又平又圓个葉仔遮淰水面，黃色个花雖然細細蕊，毋過當靚，恬恬仔探出水面，企佇水中央，遠遠看啊去，就像一粒一粒个金團。
　　水浮蓮係多年生个水生植物，地下个走根又安到「河骨」肥肥賁賁又有韌性，佢生佇水深一公尺以下个陂塘底……」
　　水浮蓮盡搞怪，佢生長个環境摎一般个植物無麼个共樣，佢食个水定著愛當淨利，還愛有兜爛泥，正做得生到順序！若係水無罅深，水瀲（liamˋ）个時節，葉仔就會生到毋靚，因為佢愛靠地下个走根來提供養份，故所水做毋得忒淺。
　　聽講水浮蓮係國寶級个水生植物，希望大家珍惜佢，毋好讓這國寶級个水浮蓮末忒喔！